Tschiera

"Tschiera" raquinta da la necessitad dolurusa da prender cumià d'in lieu che n'è betg pli il dachasa d'ina giada. L'autura Flurina Badel raquinta en ses emprim roman dad Aita che venda la chasa paterna curt suenter la mort da sia mamma ¿ questas duas perditas bittan cumplettamain sutsura la vita da la dunna giuvna. Entant ses anteriur conscolar, il butier Luis, emprova da persvader la populaziun locala da far frunt a la fiera d'immobiglias da luxus che diminuescha adina dapli il dumber d'abitaziuns pajablas ¿ in cumbat solitari ch'al fa bunamain desperar. In raquint raffinà ¿ poetic, politic e commovent.

Flurina Badel è artista ed autura. Suenter in'emprima scolaziun da schurnalissem ed in studi da communicaziun e lavur publica, ha ella lavurà tranter auter sco cineasta e moderatura. Flurina Badel ha absolvì il Master of Fine Arts a l'Institut Art Gender Nature da la HGK FHNW a Basilea ed ha studegià a l'Institut per art litterara da l'Universitad d'art applitgà a Vienna. Ella scriva e performescha texts litterars en diversas linguas. L'onn 2019 è cumparì ses emprim tom da poesias «tinnitus tropic» (editionmevinapuorger, Turitg) ch'è vegnì premià cun il Premi svizzer da litteratura 2020. Ses emprim roman «Tschiera» è cumparì il 2024 tar la Chasa Editura Rumantscha ed ha survegnì il Premi grischun da litteratura 2025.